المنظومة الأخلاقية للمستهلك و اجراء التجارب على الحيوانات

اجراء التجارب على الحيوانات أحد أهم الطرق التقليدية لتجربة المواد لمعرفة صلاحيتها للاستخدام الآدمي. من الأشياء اللي تمت تجربتها على الحيوان:

• مواد التجميل
• الصابون/الشامبو
• الأطعمة/السموم
• الأدوية

اليوم حابة اتكلم عن تجربة المواد التجميليه و الصابون على الحيوانات. زمان كنت أحاول اتجتب استعمال أي مواد تمت تجربتها على الحيوانات, بس دحين قررت انو ابدا ما أستعمل المواد التجميلية اللي: 

• تمت تجربتها على الحيوانات من الشركة المصنعة
• اذا كانت الشركه المصنعة ما تجرب على الحيوانات لكن الشركة الأم (المالكه للشركة) تقوم بتجارب
• اذا كانت الشركه المصنعة ما تجرب على الحيوانات لكن تبيع في الصين (الصين تجبر أي شركة تبغى تبيع فيها تسلم عينات لاجراء تجاربهم الخاصة على الحيوانات)
• تحتوي على بعض المواد اللي صالحة للاستهلاك الآدمي ومنتشرة بس بصراحةما ابغى احطها على جسمي: 
• Sulfates
• parabens

حاولت ألاقي اذا السعودية عندها قانون زي الصين بس ما لقيت, اذا أي أحد وجد مصدر رسمي اذا سمحتو ارسلولي هو على الايميل الموجود في نهاية الصفحة.

لمن الواحد يبحث عن المنتجات المطابقة للوصف أعلاه في الانترنت يكتشف انو اغلبها غير موجودة في  البلدان العربية و لازم نطلبها من برة. و دي مشكلة تانية عشان الأثر الكربوني* الكبير للعملية دي. فحاولت اجمعلكم الشركات الموجودة في دول الخليج اللي ما تعمل تجارب على الحيوانات.

الشركات اللي ما تعمل تجارب و غير مملوكه لشركات تعمل تجارب:

• Lush
• Milani
• Anastasia Beverly Hills

الشركات اللي ما تعمل تجارب و  مملوكه لشركات تعمل تجارب:

• Nyx
• Urban Decay
• The Body Shop
• BareMinerals

من ابسط الطرق لمعرفة اذا كان المنتج لم تتم تجربته على الحيوانات وجود الأرنب

بعض المصادر لمعرفة الشركات الصديقةللبيئة:

• https://www.crueltyfreeinternational.org/LeapingBunny
• http://www.crueltyfreekitty.com/ultimate-guide-to-cruelty-free-makeup/
• http://www.crueltyfreekitty.com/list-of-cruelty-free-brands/
• http://www.leapingbunny.org/guide/brands

تطبيق للأندرويد:

• https://play.google.com/store/apps/details?id=com.symbiotic.crueltyfree

تطبيق للايفون

• http://www.itunes.com/apps/cruelty-free

اذا لقيتوا أي شركات صديقة للبيئة في السعودية, باريت ترسلولي على الايميل في نهاية الصفحة.

• ليش التجارب على الحيوانات شي مو كويس

----------------------------------------------------------

*Carbon footprint